一人公司的煩惱 Posted on September 2, 2018May 19, 2019 View this post on Instagram . 一人公司的煩惱 . 每次見到朋友 好多都會同我講我好犀利 一個人無團隊幫手都可以做到咁多野 其實我自己沒有覺得很利害 可能因為以前是幼稚園老師 我在課室裡都是習慣 one man band 的 反正幼教老師就是要18般武藝 咩都要識 而且我又是一個無工人姐姐幫手既全職媽媽 所以已經習慣勞役自己? . 雖然我真係一人分演勁多角色 產品開發、分析、原料採購、生產 設計、包裝、宣傳、攝影、覆 inbox 等等 我都係一手一腳去做 但其實某d位我都係好驚去做的 例如採購 . 如果要揀第一件唔鐘意做既事 一定係訂貨 估唔到吧 . 因為 vendors 來自世界各地 每次訂野都會花極多時間去揀貨 係極多！！！ . 麻煩（兼且極認真）既我係要睇哂d原料既 report 先會安心去訂 而家大大話話有過百款原料 即係我要睇過百次 report . 睇 report 係因為我要確保原料既安全性同品質 所以我一定揀有詳細報告既原料先會入貨 而有時又想試試d新既原料 但因為唔熟佢 於是又 google 同 wiki 一輪 所以決定訂一款原料前 我可能係用左幾日先去決定訂唔訂的 . 咁樣搞一搞 往往都要半個月先會揀好其中一間 vendor 既原料? 而我係有好多個 vendors 的? . 然後又因爲我無安全感既性格 我要咩都訂 more than enough 有時可能 1kg 就夠用 我就要訂夠 2kg 先安心 所以次次俾錢見到個金額時 我次次都被嚇親 又要左諗右諗 諗完又驚下個月無錢俾賺唔返? 左刪右刪 刪完又加返 Loop 唔停 . 訂完之後呢 就係無了期咁等 尤其是喺美國既原料 真係會得到蚊瞓 . 所以好多時日本呀台灣呀呢d近既地方 我都係會選擇自己飛去買 寧願自己托返黎都唔想癡癡既等 嗯 講講下好似發現有d日本原料就快用哂添?? . 好啦 今次講住咁多 下次再分享我喺NH最怕做既事 . #nataniashandmade A post shared by ???????ߴ? ???????? (@natanias_handmade) on Sep 1, 2018 at 1:28pm PDT Posted in nataniashandmade, 幕後花絮 and tagged nataniashandmade.
